Swydd: Dylunydd Graffig – Prosiect Logo Cymunedol a Bwrdd Gwybodaeth

Teitl y Prosiect: Dathlu Gefeillio Trefi Llanrwst a San Vito dei Normanni
Lleoliad: Llanrwst
Trosolwg o’r Prosiect: Rydym yn chwilio am Ddylunydd Graffig creadigol sy’n canolbwyntio ar y gymuned i gydweithio â phlant a phobl ifanc yn Llanrwst i ddylunio logo newydd a bwrdd gwybodaeth i ddathlu gefeillio y Dref â San Vito dei Normanni yn yr Eidal. Bydd y prosiect yn gyfranogol ac addysgol, gan annog pobl ifanc i archwilio’r cysylltiadau diwylliannol rhwng y ddwy Dref, gan gyfrannu eu syniadau a’u gwaith celf eu hunain. Bydd yr allbynnau terfynol yn cynnwys logo proffesiynol a bwrdd gwybodaeth barhaol i’w arddangos mewn lleoliad cyhoeddus yn Llanrwst – ger yr hen wersyll carcharorion rhyfel.

Amcanion y Prosiect:

• Ymgysylltu â phlant a phobl ifanc lleol mewn proses dylunio greadigol.
• Datblygu logo sy’n cynrychioli’r cyfeillgarwch a’r cysylltiad diwylliannol rhwng Llanrwst a San Vito dei Normanni.
• Cynhyrchu bwrdd gwybodaeth hygyrch a deniadol sy’n egluro hanes ac arwyddocâd gefeillio y Trefi.
• Dathlu cyfeillgarwch rhyngwladol, cyfnewid diwylliannol ac hunaniaeth gymunedol.

Prif Gyfrifoldebau:

• Cynllunio a chyflwyno nifer fach o weithdai creadigol gyda phlant a phobl ifanc mewn ysgolion lleol.
• Cyflwyno cysyniadau dylunio sylfaenol megis symbolau, lliw, a chreu naratif drwy ddylunio gweledol.
• Hwyluso cynhyrchu syniadau a chasglu brasluniau, themâu a darluniau gan y cyfranogwyr.
• Trawsnewid syniadau’r cyfranogwyr mewn i ddyluniad logo proffesiynol terfynol.
• Dylunio bwrdd gwybodaeth o safon uchel gan gynnwys y logo, dyluniadau a thestun hygyrch am y berthynas gefeillio.
• Sicrhau bod y dyluniad yn addas ar gyfer i’w gynhyrchu ac arddangos yn yr awyr agored.
• Gweithio’n gydweithredol gyda threfnwyr y prosiect a phartneriaid lleol (e.e., ysgolion a Chyngor y Dref).

Briff Swydd - Dylunydd Graffig (PDF)